د کابل د سوداګرۍ او پانګونې اتاق د مدیره پلاوي غړو ښاغلیو: احمدشاه حکیمي د مدیره پلاوي لومړی مرستیال، همایون خواجه زاده د مدیره پلاوي تجارتي مرستیال او غلام سخي محمدي د عامل پلاوي رییس له ښاغلي ضیا ابراهیمي د روغتیا سکتور او اولیه موادو سوداګر سره وکتل.
په دې لیدنه کې ښاغلي ابراهیمي د ګاونډیو هېوادونو سره د سوداګرۍ د جریان څرنګوالي، ستونزو او ننګونو په اړه خبرې وکړې او د دغو ستونزو د حل لپاره یې د کابل د سوداګرۍ او پانګونې اتاق د مشرانو  توجه او همکارۍ غوښتنه وکړه. هغه همدارنګه د کابل سوداګرۍ او پانګونې اتاق سره خپله همکارۍ څرګنده کړه.
د کابل د سوداګرۍ او پانګونې اتاق د  مدیره پلاوي غړو، د ښاغلي ابراهیمي له خوا د اتاق او خصوصی سکتور سره د فعالې همکاریو  ستاینه وکړه او ژمنه یې وکړل چې د موجودو ستونزو د حل په برخه کې به لازمې هڅې او همکاري به جاري وساتي

سه شنبه، د چنګاښ ۴ مه ۱۴۰۴ کال 

ښاغلی همایون خواجه‌زاده، د کابل د سوداګرۍ او پانګونې اتاق د مدیره پلاوي تجارتي مرستیال، د یوې سلا مشورې ناستې برخه‌وال و، چې پکې د افغانستان د سوداګرۍ او پانګونې اتاق مشرتابه پلاوي، د یوناما مرستیال، د ملګرو ملتونو د پرمختیایي ادارې (UNDP) رئیس، او د ولایتي خونې استازي هم ګډون کړی و.
د یادې ناستې موخه دا وه، چې د خصوصي سکتور پر وړاندې شته ستونزې او ننګونې وڅېړل شي، لکه سوداګرۍ، ترانزیت، بانکي لیږد را لیږد او نورو اړوندو برخو، ترڅو د یو مناسب تجارتي چاپېریال او مالي بنسټونو د رامنځته کولو لپاره عملي حل لارې وموندل شي.
ګډونوالو خپلې ستونزې او وړاندیزونه مطرح کړل. د یوناما مرستیال او د UNDP رئیس ډاډ ورکړ، چې دا ستونزې به د نړیوالو ناستو له لارې شریکې کړي او د حل لپاره به لازم ګامونه پورته کړي.

چهارشنبه، د ۱۴۰۴ لمریز کال د غبرګولي ۷مه

ښاغلي ډاکتر ملا عبدالواسع، د اسلامي امارت د ریاست الوزرا مقام د دفتر رئیس، په داسې حال کې چې د کابل د سوداګرۍ او پانګونې اتاق تجارتي مرستیال او د یاد پارک شریک ښاغلي احمدشاه حکیمي او د ګڼ شمېر سوداګرو یې ملتیا کوله د شنو صنايعو له فابریکو، بېلابېلو ساحو او له جومات څخه چې په ده‌سبز، کابل ولايت کې موقعیت لري، لیدنه وکړه او د دې صنعتي پارک د کارکوونکو هڅې یې وستایلې.
ښاغلي حکیمي، د ریاست الوزرا مقام د دفتر رئیس او د هغه مل پلاوي راتګ د شنو صنايعو پارک ته تود هرکلی وویلو، د پانګوالو او صنعتکارانو ملاتړ یې د حکومت له لوري هېواد کې د هغوي د لا زیاتو پانګونو د هڅونې لپاره مهم وباله، او ډاډ یې ورکړ چې د یاد پارک د خدمتونو د لا ښه والي په برخه کې به هڅې جاري ساتي.
ښاغلي ملا عبدالواسع د هېواد د اقتصادي ودې او پرمختګ لپاره د صنعتي پارکونو او تولیدي فابریکو رامنځته کول ډېر مهم وبلل، او له هغو پانګوالو څخه یې مننه وکړه چې د لوړ کیفیت لرونکو تولیداتو جوړولو او خپلو هېوادوالو ته د کار زمینې برابرولو کې هڅې کوي. نوموړي اسلامي امارت د صنعت سکتور د ملاتړ او پراختیا ته ژمن وباله او ډاډ یې ورکړ چې د دوی له اوسنیو ستونزو سره د مرستې په برخه کې به همکاري وکړي

  جمعه د ۱۴۰۴ کال د غویی ۱۲مه

د افغانستان د سوداګرۍ او پانګونې اتاق رئیس ښاغلی توکل احمدیار به داسې حال کې چې د اتاق د عامل پلاوي غړي ښاغلیو: میرزمان پوپل د عامل پلاوي مالي او اداري سرپرست، محمد انور عارفي عامل پلاوي تخنیکی او پالیسی مرستیال، امانت‌خان ذمه‌وار مالي سرمفتش او د عامل د مختلفو دیپارتمنتونو مسوولین یی ملتیا کوله د کابل اتاق د عامل پلاوي کاری چاپیران څخه لیدنه وکړه او له  ښاغلی احمدشاه حکیمي، د کابل د اتاق د مدیره هیئت لومړي مرستیال او ښاغلی غلام سخی محمدي د کابل اتاق د عامل پلاوي اجرائیوی رئیس سره ولیدل.
ښاغلي توکل احمدیار د کابل د اتاق له بېلابېلو څانګو څخه لیدنه وکړه او د دې ولایتي اتاق فعالیتونه یې ارزښتناک وبلل. نوموړي ژمنه وکړه، چې د کابل اتاق د پیاوړتیا او پرمختګ لپاره به لازمه همکاري وکړي.
ښاغلي احمدشاه حکیمي د اتاق د عمومي رئیس هڅې د خصوصي سکتور د ودې او پیاوړتیا لپاره وستایلې او د کابل اتاق ته د ځانګړې پاملرنې له امله یې ور څخه مننه وکړه.
ښاغلي غلام سخی محمدي، د کابل د اتاق اجرائیه رئیس، د عمومي رئیس له لیدنې مننه وکړه او دا لیدنه یې د کارکوونکو لپاره یو مثبت انګیزه وباله چې د لا زیاتو هڅو، ژمنتیا او خدمت سبب ګرځي.

یکشنبه، د وری ۳۱ مه ۱۴۰۴ کال

ښاغلي غلام سخی محمدي، د کابل د سوداګرۍ او پانګونې اتاق د اجرائیه هیئت رئیس، د یاد اتاق د اجرائیه غړو په شتون د ښاغلي داکتر فردین غرمان، د افغانستان د خصوصي روغتونونو د ټولنې له رئیس سره لیدنه او خبرې اترې وکړې.
ښاغلي محمدي د خصوصي سکتور لپاره د اتاق د خدمتونو او د دې سکتور اړوندو بنسټونو تر منځ د همغږۍ او اړیکو د پیاوړتیا په اړه خبرې وکړې. نوموړي  روغتیا سکتور د هېواد د خصوصي سکتور یوه مهمه برخه وبلله او د دې برخې د ملاتړ پر اړتیا یې ټینګار وکړ.
ښاغلي غرمان، د اتاق د اجرائیه هیئت د همکاریو څخه مننه وکړه او د لیدنې په ترڅ کې یې پر لاندې مواردو په ځانګړي توګه د ټولنې فعالیتونه، د صحت سکتور کمیټه په اتاق کې، او د کابل ښار د خصوصي روغتونونو او روغتیايي مرکزونو شمېر خبری وکړي. نوموړي د مثبتو اړیکو پر ټینګښت او د روغتیا سکتور د لا انسجام غوښتنه وکړه.

 سه‌شنبه، د وری ۲۶ مه ۱۴۰۴ کال

دوشنبه، د کب 20 مه 1403 کال