ښاغلو: سید جمیل سادات د مدیره هیئت رئیس، احمدشاه حکیمي د مدیره هیئت لومړی مرستیال، همایون خواجه‌زاده د مدیره هیئت سوداګریز مرستیال او غلام سخي محمدي د دې خونې د اجرائیوي هیئت رئیس، د افغانستان د سوداګرۍ او پانګونې خونې د مدیره هیئت د سوداګریز مرستیال محترم خیرالدین مایل احمدي په حضور کې، د خونې له عمومي رئیس محترم سید کریم هاشمي سره لیدنه او خبرې اترې وکړې.
په دې لیدنه کې د کابل خونې د رهبرۍ هیئت د خصوصي سکتور د ستونزو د رسېدنې او د خونې د چارو د ښه والي په برخه کې د عمومي رئیس د هڅو ستاینه وکړه او محترم هاشمي او د خصوصي سکتور رهبرۍ ته یې د بریاوو هیله څرګنده کړه.
ښاغلي سید کریم هاشمي د کابل خونې د رهبرۍ هیئت له حضور څخه مننه وکړه او د دې خونې د فعالیتونو پر ارزښت یې ټینګار وکړ، همدارنګه یې د مرکزي خونې او ولایتي خونو د وضعیت د ښه والي په برخه کې پر لا زیاتو هڅو تأکید وکړ.

سه‌شنبه، د زمری۲۱مه، ۱۴۰۴  کال

د افغانستان د وچې مېوې مارکېټ او نندارتون چې د کابل ښاروالۍ او یوه خصوصي شرکت ترمنځ د عامه او خصوصي مشارکت په توګه، د شاوخوا ۲۴۰ میلیونه افغانیو په ارزښت جوړ شوی، نن د یوې پرتمینې غونډې په ترڅ کې تر پرانیستل کېدو وروسته ګټې اخیستنې ته وسپارل شو.
په دې مراسمو کې د افغانستان د سوداګرۍ او پانګونې خونې د پانګونې د برخې مرستیال، د کابل د سوداګرۍ او پانګونې خونې سوداګریز مرستیال او اجرائیه رئیس، د صنعت او سوداګرۍ وزارت، د اطلاعاتو او کلتور وزارت، کابل ښاروالۍ چارواکو، او ګڼ شمېر سوداګرو او د اتحادیو مشرانو ګډون کړی و.
د افغانستان د سوداګرۍ او پانګونې خونې د پانګونې د برخې مرستیال، ښاغلي آرین زلګي عظیمي د دې مارکېټ او نندارتون پرانسته د وچې مېوې د سکتور د ودې برخه کې یو مهم ګام وباله.
هغه د بهرنیو بازارونو، په ځانګړي ډول اروپایي هېوادونو او ترکیې کې د وچې مېوو او محصولاتو د خرڅلاو برخه کې د خونې له لوري د هر راز همکارۍ ژمنه وکړه.
نورو ویناوالو هم د دې مارکېټ او نندارتون پرانیستل د هېواد د وچې مېوې د سکتور د انسجام او پراختیا لپاره باارزښته وبلل.
دغه نندارتون او مارکېټ د کابل ښار د باغ قاضي اړوند د بهزاد تاریخي سینما ساحه کې جوړ شوی چې ۱۹۰ دوکانونه او د نندارتون دایمي سالون لري.

دوشنبه، لیندۍ ۳مه، ۱۴۰۴

د امام ابوحنیفه^(رح) د څلورم ملي او نړیوال نندارتون په دویمه ورځ، د کابل د سوداګرۍ او پانګونې خونې د رهبرۍ پلاوي غړو، ښاغلو: سید جمیل سادات د مدیره هیئت رئیس، همایون خواجه‌زاده د مدیره هیئت سوداګریز مرستیال، ذبیح‌الله مؤمن‌زاده د مدیره هیئت غړی او غلام سخي محمدي د دې خونې د اجرائیوي هیئت رئیس، د نندارتون له بېلابېلو برخو او غرفو څخه لیدنه وکړه او د شرکتونو د کار او فعالیتونو د څرنګوالي په اړه یې معلومات واخیستل.

سه‌شنبه، د لړم ۲۷ مه، ۱۴۰۴ کال

ښاغلي احمدشاه حکیمي، د کابل د سوداګرۍ او پانګونې خونې د مدیره هیئت لومړی مرستیال، د افغانستان د نړیوالې سوداګرۍ شورا رئیس ښاغلي توکل احمدیار سره د هغوی په نوي دفتر کې چې د دبۍ په ښار کې موقعیت لري، لیدنه وکړه او د نوي دفتر د جوړولو او د پانګونې د نوو پروګرامونو په اړه یې خبرې او بحث ترسره کړل.
د کابل خونې د مدیره هیئت لومړي مرستیال د افغانستان د تاجران د نړیوالې سوداګرۍ د فعالیتونو د انسجام په برخه کې د ښاغلي احمدیار هڅې وستایلې او ورته یې د لا بریاوو هیله څرګنده کړه.
د افغانستان د نړیوالې سوداګرۍ شورا رئیس، ښاغلي توکل احمدیار، د خپلو کاري پروګرامونو او په دبۍ ښار کې د نوي دفتر د جوړېدو په اړه وضاحت ورکړ او د ښاغلي حکیمي له حضور څخه یې مننه او قدرداني څرګنده کړه.

دوشنبه، د لړم ۲۶ مه، ۱۴۰۴ کال

ښاغلو: آرین ذلګي عظیمي د پانګونې مرستیال، عنایت‌الله صدیق‌زي د خدماتي چارو مرستیال، حاجی عبیدالله د افغانستان د سوداګرۍ او پانګونې خونې د مدیره هیئت غړی، همایون خواجه‌زاده د کابل د سوداګرۍ او پانګونې خونې سوداګریز مرستیال او غلام سخي محمدي د دې خونې اجرائیوي رئیس، د یو شمېر تاجران په حضور کې د هېواد د صنعت او سوداګرۍ له وزیر ښاغلی نورالدین عزیزي سره ولیدل او د پاکستان سره د هېواد په سرحدي لارو کې د زرګونو سوداګریزو کانتینرونو د بند پاتې کېدو په اړه بحث او نظر تبادله وشوه.
په دې لیدنه کې د سوداګرۍ او پانګونې خونې مرستیالانو او تاجران، د نږدې اته زره (۸۰۰۰) سوداګریزو کانتینرونو د دواړو غاړو په بند پاتې کېدو خپلې ستونزې مطرح کړې، د دې وضعیت له دوام څخه یې اندېښنه څرګنده کړه او د موجودې ستونزې د حل لپاره یې د صنعت او سوداګرۍ د ښاغلي وزارت د همکارۍ غوښتنه وکړه.
هغوی د کراچۍ بندر او نورو بندرونو کې د افغان تاجران د زرګونو کانتینرونو بند پاتې کېدل د دواړو هېوادونو ترمنځ د سوداګرۍ پر وړاندې جدي ستونزه وبلله او زیاته یې کړه چې د دې بهیر دوام د تاجران او د هېواد اقتصاد ته د لسګونو میلیونو ډالرو زیان اړولی دی.
د صنعت او سوداګرۍ وزیر د تاجران ستونزې واورېدې او د رامنځته شوو مشکلاتو د حل په برخه کې یې د هر اړخیزې همکارۍ ډاډ ورکړ، او همدارنګه یې له د هېواد له تاجران وغوښتل چې د راتلونکې کې د دا ډول پېښو د مخنیوي لپاره له بدیلو لارو څخه استفاده وکړي.

سه‌شنبه، د لړم ۱۳مه، ۱۴۰۴ کال

ښاغلي احمدشاه حکیمي، د کابل د سوداګرۍ او پانګونې خونې د مدیره هیئت لومړی مرستیال، په داسې حال کې چې ښاغلو خانجان الکوزی د افغانستان–پاکستان د ګډې خونې رئیس، استاد شجاع‌الدوله، طاهر حمادي، فاروق انوري او امین‌الله احمدزي د هېواد له مخکښو تاجران څخه حاضر وو، د افغانستان د صنایعو او معادنو خونې له سوداګریز مرستیال ښاغلي حاجي رفیع عظیمي سره ولیدل.
په دې لیدنه کې ښاغلي حکیمي او ملګرو یې د ښاغلي عظیمي ټاکنه د یادې خونې د سوداګریز مرستیال په توګه مبارکي وویله او دا ټاکنه یې د سوداګرۍ د ودې او ښه والي په لور یو مهم ګام وباله.
ښاغلي الکوزي د محترم عظیمي پخوانۍ کړنې اغېزمنې وبللې او د راتلونکو چارو د پرمخ بېولو په برخه کې یې ورته د بریا هیله څرګنده کړه.
ښاغلي رفیع عظیمي د حاضرینو له حضور څخه مننه وکړه، خپله نوې دنده یې یو ستر مسؤلیت وباله او د تاجران او د خصوصي سکتور د ټولنې د خدمت په برخه کې یې پر خپلې ژمنتیا ټینګار وکړ.

یکشنبه، د لړم ۴مه، ۱۴۰۴ کال