د بلخ د سوداګرۍ او پانګونې اتاق چې په ۱۸۹۳ کال کې تاسیس شوی، د افغانستان په شمال کې د خصوصي سکتور یو مهم استازی دی. دا اتاق بنسټیز خدمتونه وړاندې کوي لکه د شرکتونو ثبت، حقوقي ملاتړ، سوداګریز نندارتونونه، او د ظرفیت لوړولو ورکشاپونه، څو سوداګرۍ ته وده ورکړي او پانګونې ته زمینه برابره کړي. نوموړي اتاق له ملي او نړیوالو شریکانو لکه USAID، GIZ، او UNDP سره په اقتصادي پرمختیایي پروژو کې فعاله همکاري کړې ده. د اتاق له مهمو لاسته راوړنو څخه د مېرمنو سوداګرۍ ته وده ورکول، د سوداګریزو خدمتونو د مرکز جوړول، او د ځایي صادراتو زیاتوالی یادولی شو. دا اتاق ژمن دی چې د حکومت، خصوصي سکتور، او نړیوالو ادارو ترمنځ د یوه مهم رابط په توګه خپلې هڅې دوام ورکړي.
د افغانستان د سوداګرۍ او پانګونې اتاق د مشرتابه او د بلخ ولایت مقام ترمنځ د همغږۍ له مخې، او د دې ولایت د اتاق د چارو د لا ښه انسجام او د سوداګریزو فعالیتونو د پیاوړتیا په موخه، د بلخ ولایت د سوداګرۍ او پانګونې اتاق نوی رئیس، مرستیالان او د مشرتابه پلاوي غړي وټاکل شول او په یوه رسمي غونډه کې وپیژندل شول.
په یاده غونډه کې، ښاغلی سید کریم هاشمي، د یما پترول شرکت رئیس او د بلخ ولایت د سوداګریزې ټولنې له پېژندل شوو او فعالو څېرو څخه، د بلخ د سوداګرۍ او پانګونې اتاق د رئیس په توګه، همداراز ښاغلی هارون رشید قاضي د لومړي مرستیال، ښاغلی عبدالمومن ضیایي د دویم مرستیال، او ښاغلی اسدالله اسدي د دارالانشاء رئیس په توګه معرفي شول.
سربېره پر دې، ښاغلي: خیرالدین مایل احمدي، محمد ابراهیم غضنفر، زمری کامگار، نصیر احمد عرب، کمال نبيزاده، محمود یوسفزی، الحاج ملا عبدالغفور، محمد یونس آرمان، نصیر احمد سلطانزاده، میرویس احمدی، عبدالجمیل زازی، فضل احمد دوستی، محمد یاسین وهابزاده، حبیب الرحمن رحماني، او محمد کامیز صدري د مشرتابه پلاوي د غړو په توګه او ښاغلی مصطفی مومند د اتاق د ویاند په توګه وټاکل شول.
یاد اقدام د سوداګریزو خدمتونو د اسانتیا، د خصوصي سکتور د تقویت، او د سوداګرو او اړوندو ادارو ترمنځ د مؤثرې همغږۍ د .رامنځته کولو په موخه ترسره شوی دی، او تمه ده چې د بلخ ولایت د اقتصادي ودې لپاره به یوه مهمه د پیاوړې نقطه وي
پنجشنبه، د ۱۴۰۴ کال د چنګاښ ۱۹مه