د ۱۴۰۴ د چنګاښ ۸مه نېټه، په اندخوی ولسوالۍ کې د دولتي ادارو او خصوصي سکتور تر منځ نوبتي ناسته د اندخوی ولسوال محترم الحاج قاري عبدالوکیل متوکل او د اندخوی د سوداګرۍ او پانګونې خونې رئیس محترم عبدالمجید نیازی په مشری ترسره شوه. دا ناسته د آقینه او اندخوی بندرونو د سوداګرو ستونزو ته د رسېدنې په موخه جوړه شوې وه.

ناسته د قاري صاحب الحاج عبدالملک، د امیرعلی شیر نوایي جومات خطیب، لخوا د قرآن کریم د څو مبارکو آیتونو په تلاوت سره پیل شوه. ورپسې، محترم نیازی ګډونوالو ته ښه راغلاست وویلو او د اندخوی ولسوالۍ د مقام د هر اړخیز ملاتړ، هڅونې او همکاریو څخه مننه وکړه. نوموړي د فاریاب والي محترم عبدالاحد فضلي د نه ستړې کېدونکو هڅو قدرداني هم وکړه.

د ناستې اجنډا محمد ابراهیم یولداش، د بندر مدیر، ګډونوالو ته وړاندې کړه. وروسته محترم رحمت الله شاهیم، د تولیدي شرکتونو اتحادیې رئیس، علي شیر عنایت زاده، د اتحادیې مرستیال، بسم الله صمدي، د یوه تولیدي شرکت مسؤل، او عبدالشکور الفت، د اتاق عامل مدیر، خپلې خبرې وکړې.

همداراز، د اندخوی ښاروال داملا عتیق الله کریمي ژمنه وکړه چې د سوداګرو د ستونزو د حل لپاره به لازم اقدامات ترسره کړي. په پای کې، اندخوی ولسوال قاري عبدالوکیل متوکل د سوداګرو او تولیدوونکو له هڅو مننه وکړه او د ټولو ستونزو د حل ټینګار یې وکړ.

نن په آقینه تجارتي بندر کې د یو معیاري او ستندرد ټیر پارک د پرانیستې مراسم د مدني او نظامي دولتي چارواکو، سوداګرو، علماوو، روحانیونو او د اندخوی د څلورو ولسوالیو د سپین‌ږیرو په ګډون ترسره شول.
یاد لوی پروژه د ترانسپورت وزارت او خصوصي سکتور په نوښت جوړ شوی، او اوس یې رسماً ګټه‌اخیستنه پیل شوه. په دې پارک کې د مراجعینو لپاره ټول اسانتیاوې او امکانات برابر شوي دي.
په یادو مراسمو کې د فاریاب ولایت د مقام مرستیال، د ترانسپورت وزارت استازی، د خصوصي سکتور استازی، ښاغلی عبدالمجید نیازی د اندخوی د سوداګرۍ او پانګونې خونې رئیس، د علماوو استازی، د پروژې تطبیقوونکي استازی او د څلورو ولسوالیو د خلکو استازی خبرې وکړې، او د غونډې په پای کې یې د دې پروژې بنسټ کېښود.