په ترینکوټ ښار کې د ولایت مقام په لارښوونه، د صنعت او سوداګرۍ ریاست په همغږۍ، د نرخونو د کنټرول او د احتکار د مخنیوي کمیسیون د غړو لهخوا د خوراکي او غیرخوراکي توکو، د تېلو پمپونو، د ګازو شرکتونو، او د یخي جوړونکو فابریکو څخه د نرخنامو د تطبیق په موخه نظارت ترسره شو.
د نظارتي ټیم له لوري یو د تېلو پمپ چې له ورکړل شوې نرخنامې څخه یې سرغړونه کړې وه، مهر او لاک شو.
د نظارت پر مهال، ټولو سوداګرو ته د نرخونو د مراعت او د احتکار د مخنیوي په موخه جدي سپارښتنې وشوې، او له هغوی څخه د همکارۍ ژمنې هم ترلاسه شوې.
همداراز، د یخي جوړولو فابریکو مسؤلینو ته سپارښتنه وشوه چې په روان ګرم موسم کې دې له انصاف څخه کار واخلي او له لوړ نرخ څخه دې ډډه وکړي.
د فابریکو مالکانو او دوکاندارانو لهخوا د بشپړې همکارۍ ډاډ ورکړل ش
د ارزګان د سوداګرۍ او پانګونې خونه
د ارزګان د سوداګرۍ او پانګونې خونه د دې ولایت یو له مهمو بنسټونو څخه ده چې د خصوصي سکتور د ملاتړ لپاره کار کوي. دا خونه د افغانستان د سوداګرۍ او پانګونې خونې سیمهییزه څانګه ده چې د سوداګرۍ اسانتیا، د کورنیو تولیداتو ترویج او د اقتصادي فرصتونو رامنځته کولو لپاره هڅې کوي.
یاده خونه د پانګوالو، تولیدوونکو او سوداګرو سره نږدې کار کوي، د پانګونې جلب، د خصوصي سکتور د ستونزو راټولولو او اړوندو چارواکو ته د رسولو په برخه کې فعاله ونډه لري. همدارنګه، دا اداره د ټولنیزو خدمتونو، خیریه مرستو، ښوونځیو او روغتونونو په جوړولو، او د طبیعي پېښو له زیانمنو سره د مرستو په برخه کې هم ارزښتناکه هڅې کوي.