نن د شنبې ورځ د 1404/4/7 نیټه د سپین بولدک سوداګرۍ او پانګونې خونې رئیس حاجي محمد شفیق اڅکزي د سپین بولدک ولسوالۍ د یخي کار خانو مالکانو د سپین بولدک سوداګرۍ او پانګونې خونې ریاست کې وکتل چې اول معاون حاجی سعدالله تورجان هم موجود ؤ.
د سپین بولدک ولسوالۍ د یخي کارخانې مالکانو خپلې ستونزې او مشکلات ورته بیان کړل، او د سپین بولدک سوداګرۍ او پانګونې خونې رئیس حاجي محمد شفیق اڅکزی د دوی ستونزې په غور سره واورېدې، او د یخي کارخانو د مالکانو څخه یې مننه وکړه چې تاسې په سپین بولدک ولسوالۍ کې سرمایه ګذاري کړې ده.
همداراز، نوموړي له دوی وغوښتل چې په پام کې نیولو سره چې زیاته ګرمي را روانه ده، د بولدک ولسوالۍ لپاره یخه پوره کړئ او بازار ته یخه په ښه کیفیت او مناسب قیمت وړاندې کړئ.
د یخي کارخانو مالکانو ټولو ژمنه وکړه چې دوی به په خپلو کې یووالی وساتي، یخه به په ښه کیفیت بازار ته عرضه کوي، او نرخ به نه لوړوي.
