د نیمروز د سوداګرۍ او پانګونې اتاق په ۱۳۸۱ لمریز کال کې افتتاح شوی او له هماغه مهاله د دې ولایت د خصوصي سکتور د غږ په توګه فعالیت کوي. دغه اتاق د افغانستان د نیمروز او د ایران د سیستان او بلوچستان ولایتونو ترمنځ د یوه ریښتیني منځګړي رول لوبولی او د دواړو خواوو ترمنځ د سوداګرۍ د اسانتیا په برخه کې مهمې لاسته راوړنې لري. له مهمو کارونو یې یو هم د څښاک اوبو د څاهوو کیندنه او د اوبو ویش لپاره د سیسټم جوړول دي، چې د اتاق رئیس حاجي عبیدالله نوري لخوا د دوه نیم میلیونه افغانیو په ارزښت بشپړ شوی دی. همداراز، دا مهال دویم خاورین سرک جوړېږي تر څو د وسایطو د تګ راتګ ظرفیت زیات شي.
د ۱۴۰۴ کال د سرطان په ۱۵مه نېټه، په نیمروز ولایت کې د اتاق تجارت د غونډو په تالار کې د دغه ولایت د فعالو اتحادیو استازو ګډون سره یوه غونډه ترسره شوه. په دې اتحادیو کې د تېلفروشان اتحادیه، د ترانسپورتي شرکتونو انجمن، د صرافانو اتحادیه، د خوراکي توکو اتحادیه، ترانزیت، کود او بورهفروشي، صادرات، د سیاحتي شرکتونو اتحادیه او نورې اتحادیې شاملې وې.
غونډه د نیمروز د اتاق تجارت او پانګونې مرستیال حاجي غلام محمد نورزی په مشرۍ ترسره شوه. موخه یې د مهاجرینو لپاره د مرستو د مؤثرې همغږۍ رامنځته کول او د دغو مرستو د دوامداره تنظیم لپاره د همکارۍ لارو چارو لټول وو.
په غونډه کې د اتحادیو استازو خپلې نظریې او وړاندیزونه د مرستو د تنظیم، لومړیتوب ټاکلو او عادلانه وېش په اړه وړاندې کړل. همدارنګه، د خصوصي سکتور او خلکو ترمنځ د ګډې همکارۍ پر اړتیا ټینګار وشو.