د کابل د سوداګرۍ او پانګونې خونې د اجرائیه کمېټې د درېیم دورې اوولسمه غونډه، د ښاغلي سید جمیل سادات د مدیره پلاوي د رئیس په مشرۍ او د ښاغلو احمدشاه حکیمی لومړی مرستیال، همایون خواجه زاده د سوداګرۍ مرستیال، عبدالجلیل حریف د پانګونې مرستیال او غلام سخي محمدی د کابل خونه اجرائیه رئیس ګډون درلود.
د مقدماتي خبرو وروسته، غلام سخي محمدی د اجرائیه ریاست راپورونه او وړاندیزونه چې د غونډې آجنډا موضوعات یې هم شامل وو، ګډونوالو ته وړاندې کړل.
وروسته ګډونوالو د مطرح شویو موضوعاتو په اړه هر اړخیز بحث او د نظرونو تبادله وکړه. د بحثونو له بشپړېدو وروسته د خونې مشرتابه د وړاندې شویو موضوعاتو په اړه لازمې پرېکړې وکړې.
دوشنبه، د کب ۱۱ مه، ۱۴۰۴ کال
د کابل د سوداګرۍ او پانګونې خونې د اجرائیه کمېټې د درېیم پړاو شپاړسمه غونډه، د ښاغلي سید جمیل سادات د مدیره پلاوي د رئیس په مشرۍ او د ښاغلو احمدشاه حکیمی لومړي مرستیال، همایون خواجه زاده د سوداګرۍ مرستیال، عبدالجلیل حریف د پانګونې مرستیال، گل نبی عیدی زاده د خدماتو مرستیال، اختر محمد احمدی د مدیره پلاوي د دارالانشاء رئیس او غلام سخی محمدی د خونې د اجرائیه رئیس په ګډون ترسره شوه.
وروسته د اجرائیه کمېټې د شپاړسمې غونډې د اجنډا موضوعات د ښاغلي اختر محمد احمدی له لوري غونډې ته وړاندې شول.
همدارنګه، د کابل خونې د اجرائیه ریاست راپورونه او وړاندیزونه د ښاغلي غلام سخی محمدی له خوا غونډې ته وړاندې شول.
د اجنډا د موضوعاتو او همدارنګه د مدیره پلاوي او د اجرائیه ریاست د وړاندیزونو په اړه له هر اړخیز بحث وروسته، د مطرح شویو موضوعاتو په اړه لازم تصمیمونه ونیول شول.
سه شنبه، د سلواغه ۱۴ مه، ۱۴۰۴ کال
د کابل ولايت د سوداګرۍ او پانګونې خوني رياست
د کابل د سوداګرۍ او پانګونې اتاق له تاریخي پلوه اوږده مخینه لري او د افغانستان د مرکزي اتاق سره په یوه وخت کې یې فعالیت پیل کړی دی. دا اتاق اوس د یوه مهم او ستراتیژیک ولایتي نهاد په توګه، د خصوصي سکتور د ملاتړ له نورو ادارو سره یو ځای، خپلو هڅو ته دوام ورکوي تر څو د سوداګرۍ وضعیت ښه کړي، د خصوصي سکتور انسجام یقیني کړي او د اقتصادي – سوداګریزو چارو په برخه کې د کابل د خصوصي سکتور مدافع وي.
د کابل د سوداګرۍ او پانګونې اتاق، مدیره او عامل پلاوی لري. د مشرتابه پلاوی یې له نولسو تنو مخکښو او پېژندل شویو سوداګرو او پانګوالو څخه جوړ دی. دوی د سوداګرۍ په برخه کې د ارزښتناکې تجربې په لرلو سره د خصوصي سکتور د انسجام لپاره، د دې نهاد له لارې خلکو ته خدمت کوي.