د امام ابو حنیفه (رح) څلورم ملي او نړیوال نندارتون په مناسبت
په دې ناسته کې، د میدان وردګو د سوداګرۍ او پانګونې خونې رئیس الحاج میرویس ستانکزی، د پخواني رئیس الحاج نورآغا ابراهیمي، د خونی مرستیال الحاج اجمل شینوزاده، د اجراییه مسؤول زکریا نوري، د منی اتحادیې رئیس محترم مرسلین پاچا، الحاج عبدالحلیم همت، د صنعت او تجارت رئیس محمدخان زواک، او یو شمېر نور د خصوصي سکتور استازي حضور درلود.
د غونډې په پیل کې، محترم والي ګډونوالو ته د ښه راغلاست ویلو ترڅنګ، خپلې خبرې د ټاکل شوې اجنډا پر بنسټ پیل کړې. نوموړي د میدان وردګو ولایت د یوه مهم زراعتي ولایت په توګه یادونه وکړه او ټینګار یې وکړ چې د سړو خونو جوړول باید د سهمي پانګونې په بڼه او د خصوصي سکتور سره په نږدې همغږۍ پر مخ ولاړ شي. والي صاحب همداراز زیاته کړه، چې د دې بهیر د پيل او بریا لپاره اړتیا ده چې له خصوصي سکتور څخه هغه اشخاص چې متعهد، امین او وطندوسته وي، وپېژندل شي او مقام ولایت ته معرفي شي.
ورپسې، د خونې اجراییه مسؤول زکریا نوري د داسې غونډو هرکلی وکړ او ټینګار یې وکړ چې د مقام ولایت تر نظارت لاندې د دغو ناستو دوام به نه یوازې سوداګرو ته روحیه ورکړي، بلکې د پرمختګ او پانګونې لپاره به هم لاره هواره کړي
الحاج میرویس ستانکزی، د میدان وردګو د سوداګرۍ او پانګونې خونې رئیس، د دې غونډې د جوړېدو له امله د ولایت مقام څخه مننه وکړه او څرګنده یې کړه چې د میدان وردګو ولایت تاجران چمتو دي ترڅو د ستندرد سړې خونې په جوړولو کې، که په انفرادي ډول وي او که د سهامی له لارې، فعاله ونډه واخلي. خو له بده مرغه، ځینې ستونزې لکه د دوامدار برېښنا نشتوالی او د مناسب او ستراتیژیک موقعیت لرونکو ځمکو نهشتون، د دوی د هڅو مخه نیولې او د زړهتنګۍ سبب شوې ده.
د خونی مرستایل محترم اجمل شینوزاده وویل چې میدان وردګ د افغانستان له هغو مهمو ولایتونو څخه دی چې تر ۵۰ سلنه زیات د هېواد د مڼو تولید دلته ترسره کېږي. ښاغلي شینوزاده له اړوندو ادارو وغوښتل چې له خصوصي سکتور سره په نږدې همغږۍ کې دې د مناسبې ځمکې د وېش زمینه برابره کړي.همداراز، مرسلین پاچا، د مڼو اتحادیې مشر، د کرنیزو محصولاتو لپاره د عادلانه بیې نشتوالي او د بار وړلو په پروسه کې د ناعادلانه نوبت له امله اندېښنه وښوده او له چارواکو یې غوښتنه وکړه چې یادې ستونزې ته ژر تر ژره رسیدنه وشي، ځکه دا حالت د مڼو د بسته بندۍ او صادراتو بهیر له ځنډ سره مخ کړی دی. د اتحادیې غړو هم د غونډې پر مهال اشاره وکړه چې د افغان تاجران لپاره د واګه بندر تړل شوی دی او دوی اړ دي چې خپل محصولات د چابهار بندر له لارې هندوستان ته صادر کړي؛ دا لاره اوږده ده او د مڼو د انتقال پر مهال د زیانمنېدو خطر ډېر لوړوي
په پای کې، محترم الحاج خیرالله خیرخواه، د میدان وردګو ولایت والي، لارښوونه وکړه چې د دې ولایت د سوداګرۍ او پانګونې خونه دې هغه تاجران وپېژني چې صادق، ژمن او باوري وي، او د دوی نوملړ دې د راتلونکو همکاریو لپاره مقام ولایت ته وسپاري. غونډه د خیر دعا او د هېواد د تاجران او کروندګرو لپاره د بریا هیلو سره پای ته ورسېده
محترم زکریا نوري، د میدان وردګو د سوداګرۍ او پانګونې خونې عامل، له محترم الحاج احمدشاه محمد، د امسافت ټکنالوژۍ رئیس سره وکتل او د ټکنالوژۍ او سوداګریزې همکارۍ اړوند یې هر اړخیز بحث وکړ.
محترم نوري د ناستې پر مهال ټینګار وکړ چې: نننی جهان د بېسارې چټکتیا سره د ډیجیټالي کېدو پر لور روان دی، او ټول اقتصادي، سوداګریز او خدماتي فعالیتونه د ټکنالوژۍ پر بنسټ ولاړ دي. هغه هېوادونه چې د عصري ټکنالوژۍ له وسایلو برخمن دي، توانېدل چې په سیمهییزو او نړیوالو سیالیو کې ځان ته مهم ځایونه ومومي.د افغانستان سوداګر هم د خپلو سوداګریزو فعالیتونو د نوي کولو اړتیا درک کړې، او هڅه کوي چې خپل تولیدات او خدمات د مسلکي، اغېزمنو او معتبرو ویبسایټونو له لارې نړیوالو ته وړاندې کړي. همداراز ټکنالوژي یوازې د پرمختګ وسیله نه، بلکې یو کلیدي عامل دی چې د بازار ونډه ډېروي، اعتماد رامنځته کوي، او د نړیوالو سیالیو دروازې پرانیزي. ښاغلي نوري همداراز وویل نن ورځ مسلکي ویبسایټونه د هر خصوصي سکتور لپاره یو اساسي ضرورت ګرځېدلی؛ که تولیدي وي، که خدماتي، که سوداګریز یا پانګوال. د ډیجیټال حضور پرته، د نویو مارکیتونو موندل، د نړیوالو پیرېدونکو جذب، او د برانډ مؤثره معرفي ناشوني برېښي.
محترم احمدشاه محمد، د امسافت تکنالوژی شرکت رئیس، په دې لیدنه کې د خپلې کمپنۍ د فعالیتونو، خدماتو او نمایندګیو په اړه هر اړخیز معلومات وړاندې کړل او زیاته یې کړه چې امسافت تکنالوژی له له شلو کلونو څخه ډېر کاري تجربې سره، په ممختلفو برخو کې لکه ویبسایټونو جوړول، پرمختللي ډیټابیسونه ډیزاین او رامنځته کول، د تولیدي، تجارتي، صنعتي شرکتونو، صرافیو، درملتونونو او سوپرمارکیټونو لپاره، پراخ او تخصصي فعالیتونه ترسره کوي. نوموړي دا هم څرګنده کړه چې یاد شرکت پلان لري چې د افغانستان د سوداګرۍ او پانګونې خونې سره د تفاهملیک تر لاسلیک وروسته، هغو سوداګرو ته چې د خونې له لوري ور معرفي کېږي، په ویبسایټونو او ډیټابیسونو جوړولو کې ځانګړي تخفیفونه ورکړي
د افغانستان دسوداګری او پانګونی اتاق په وړاندیز او د عالقیدر امیر مؤمین حفظه الله تعالی دټاکل شوی اقتصادی کمیټه په تائيد او منظوری د هلمند ولایت دسوداګری او پانګونی اتاق رئیس الحاج غلام يحيي پښتون ددغه ولایت د سوداګرۍ او پانګونې خونی ریاست تر څنګ دافغانستان دسوداګری او پانګوني اتاق د هیت مدیره غړي په تو ګه هم ټاکل شویدي.
دغه ستر مسؤلیت او ویاړ نه یوازې د نوموړي د شخصیت او خدمتونو ښکارندوي کوي، بلکې د هلمند ولایت د ټولو خلکو، سوداګرو او پانګوالو لپاره هم یو ستر ویاړ او افتخار ګڼل کېږي.
موږ باور لرو چې د نوموړي په رهبرۍ سره به د هلمند ولایت سوداګرۍ ته نوې وده ورکړل شي، د پانګونې لپاره به مناسبې لارې پرانېستل شي او د ولایت د اقتصادي ودې لپاره به لا زیات فرصتونه رامنځته شي.
د الله تعالی له دربار څخه د لا زیاتو بریاوو غوښتونکي یو
د هلمند ولايت د سوداګرۍ او پانګونې خونی ریاست
نيټه : ۱۴۰۴/۶/۱۱
د افغانستان د سوداګرۍ او پانګونې خونې ولایتي نقشه
د امام ابوحنیفه (رح) ملي او نړیوال نندارتون
دغه کاری سفر چې د ارزګان ولایت د ستونزو د حل او پرمختګ په موخو د دغه ولایت مرستیال والي الحاج ملا باري ګل طالب په مشرۍ یو پلاوی کابل ته تللی چي د ارزګان ولایت د سوداګرۍ او پانګونې خونې رئیس الحاج حاجي حبیب الله عمر، د اتاق مالي او اداري رئیس الحاج ملا فضلالله "بلال"، او د ارګ امنیتي مسؤول الحاج عبدالله صاحب شامل دي.
د سفر په ترڅ کې یاد پلاوي نن ورځ د فواد عوامي وزارت له سرپرست وزیر، الحاج ملا محمد عیسی "ثانی" سره لیدنه ترسره کړي چي د لیدولو پر مهال، د ارزګان او کندهار ولایتونو ترمنځ د ناسمې لارې ستونزه مطرح شوه، چې له امله یې سوداګریز او اقتصادي فعالیتونه له ګڼو ستونزو سره مخامخ کړي.
د ارزګان ولایت یاد پلاوي له وزیر صاحب څخه غوښتنه وکړه چې د دغې لارې پاتې ۲۵ کیلومتره خامه څړک ژر تر ژره باید راته جوړ کړي تر څو خلک له تګ راتګ، سوداګرۍ، او نورو خدماتو کې اسانتیاوې ترلاسه کړي. د دوی په وینا، د دې لارې بشپړول به د سیمې اقتصادي وده، سوداګریزو اړیکو پراخوالی او د خلکو ورځنی ژوند کي مثبت او اغېزمن تمام سي.
د فواد عوامي وزارت سرپرست وزیر، الحاج ملا محمد عیسی "ثانی"، د ارزګان د پلاوي غوښتنه په غور واورېده او ډاډ یې ورکړ چې وزارت به د یادې لارې د جوړېدو په برخه کې عملي ګامونه واخلي. هغه زیاته کړه چې دا پروژه به د خلکو لپاره ډېر اهمیت ولري او د سیمه ییز انکشاف برخه کې یو مهم بدلون رامنځته کړي.
نن په آقینه تجارتي بندر کې د یو معیاري او ستندرد ټیر پارک د پرانیستې مراسم د مدني او نظامي دولتي چارواکو، سوداګرو، علماوو، روحانیونو او د اندخوی د څلورو ولسوالیو د سپینږیرو په ګډون ترسره شول.
یاد لوی پروژه د ترانسپورت وزارت او خصوصي سکتور په نوښت جوړ شوی، او اوس یې رسماً ګټهاخیستنه پیل شوه. په دې پارک کې د مراجعینو لپاره ټول اسانتیاوې او امکانات برابر شوي دي.
په یادو مراسمو کې د فاریاب ولایت د مقام مرستیال، د ترانسپورت وزارت استازی، د خصوصي سکتور استازی، ښاغلی عبدالمجید نیازی د اندخوی د سوداګرۍ او پانګونې خونې رئیس، د علماوو استازی، د پروژې تطبیقوونکي استازی او د څلورو ولسوالیو د خلکو استازی خبرې وکړې، او د غونډې په پای کې یې د دې پروژې بنسټ کېښود.
په دغه غونډه کې د افغانستان اسلامي امارت د پیښو سره د مبارزې اماده ګۍ ملي ادارې سرپرست جناب ترابی صاحب، د کندهار ولایت محترم والي حاجی ملا صاحب، د اضطرار رئیس قاری محمد خوشحال صاحب، د کندهار ولایت د پیښو سره مبارزې د اماده ګۍ ملی ادارې رئیس قاري عبدالسلام عمري، د کندهار د ترانسپورټ رئیس مولوي ادم صاحب، د کندهار سوداګرۍ او پانګونې خونې رئیس حاجی محمدصدیق مهمند، د مدیره هئیت غړی هوتکی صاحب، د سپین بولدک ولسوالۍ محترم ولسوال مولوي رحیم الله محمود صاحب، امنیه قومندان مولوي محمود صاحب، د علماؤ شورا رئیس مولوي محمدادریس صاحب، او د علماؤ شورا غړي، قومي مشران، د سپین بولدک سوداګرۍ او پانګونې خونې رئیس الحاج محمدشفیق اڅکزی، اول معاون حاجی سعدالله تورجان، او د کاکړانو منډۍ زیانمن شویو تجارانو او دوکاندارانو ګډون درلود.
غونډه د قرآن کریم په تلاوت پیل شوه. په پیل کې مولوي سعید صاحب علمي وینا وکړه، ورپسې ملي تاجر حاجي احمدشاه خان وینا وکړه. بیا د کندهار والي صاحب ګډونوالو ته خپله عالمانه وینا وکړه او زیانمنو تجارانو ته یې د همکارۍ ډاډ ورکړ. هغه وویل چې دا نظام زموږ لپاره لوی نعمت دی او باید شکر یې ادا کړو.
د سپین بولدک سوداګرۍ او پانګونې خونې رئیس الحاج محمدشفیق اڅکزي ټولو میلمنو ته ښه راغلاست ووایه او خپله وینا یې وکړه. هغه د امیرالمؤمنین شیخ صاحب (حفظه الله) څخه مننه وکړه چې د کاکړانو منډۍ د زیانمنو تجارانو سره یې مرسته وکړه. همداراز یې د ترابي صاحب، د کندهار والي صاحب او د اسلامي امارت له مسؤلینو څخه مننه وکړه. هغه وویل چې د اسلامي امارت مسؤلین د خصوصي سکتور تر شاه ولاړ دي، او د زیانمنو تجارانو لپاره یې ۲۰۰ میلیونه افغانۍ مرسته برابره کړې ده، چې نن به دا مرسته د شفافې پروسې له لارې مستحقو کسانو ته ووېشل شي.
تر هغه وروسته د پیښو سره د مبارزې د اماده ګۍ ملي ادارې سرپرست محترم ترابي صاحب غونډې ته وینا وکړه او د کاکړانو منډۍ د زیانمنو تجارانو سره د همکارۍ بهیر یې تشریح کړ. هغه ډاډ ورکړ چې د امیرالمؤمنین شیخ صاحب (حفظه الله) په ځانګړي امر سره دغه مرسته برابره شوې، او دا به د ټاکلي هیئت له لوري په شفاف ډول ووېشل شي.
د سپین بولدک ولسوالۍ د ویش بازار د کاکړانو منډۍ د اورلګیدنې له امله تجارانو ته لوی مالي زیانونه اوښتي وو، خو د اسلامي امارت په هڅو سره نن د هغو زیانونو په بدل کې نغدي مرسته ترسره شوه.
همداراز، د سپین بولدک سوداګرۍ او پانګونې خونې رهبري د پیښې له ورځې تر نن ورځې پورې نه ستړي کېدونکي هلې ځلې وکړې ترڅو د تجارانو لپاره مرسته برابر کړي، او نن الحمدلله ۲۰۰ میلیونه افغانۍ مستحقو زیانمنو تجارانو ته وسپارل شوې.
دغه کتنه چی نن چهار شنبه د روزګان ولایت د مرستیال والي الحاج ملا باري ګل اخند په مشرۍ چي د روزګان د سوداګرۍ خوني رئیس الحاج حبیب الله "عمر"، الحاج ملا عبدالله صاحب او د سوداګرۍ خوني مالي او اداري رئیس ملا فضلي الله "بلال" د ملی پر اختیا وي شرکت داجرایئوی رئیس عبدالرحمن "عطا ش" سره دآغاجان بند دپروژي او یولړ نورو مهمو پر مختیاوی پروژو په اړ مهمه ناسته ترسره کړه.
دغه پلاوی چی د روزګان ولایت دمرستیال والی په مشری د دغه ولایت د خلکو په استازیتوب مر کز کابل به سفر تللي تر څو ددغه ولایت د اوسېدونکو شته ستونزی تر مربوطه مسوؤلینو پوري ورسوی چی نن د ملی پرا ختیاوی شرکت د اجرایئوی رئیس سره د لاندي مهمو او حیاتي پروژو په اړه هر اړخیز بحث وکړي لکه د آغاجان د بند عملي چارو لا ګرندي کول کوم چی ددغه ولایت په اقتصاد ، کرني او بریښناء په برخه کي دپام وړ بدلون راولي.
د ملی پر اختیاوی شرکت اجرایئوی رئیس انجنیر عبدالرحمن عطاش ژمنه ورسره کړي چي دتر سره شوی قرار داد له مخی د آغاجان دبند د پروژي رغیدل ددغه شرکت په لومړیتوبونو کي دي چي ډیر ژیر به په عملی چارو کی نور هم ګړندیتوب راسي چی ددغه بند په رغولو سره ددغه ولایت په اقتصادي او تجارتي برخه کي د پام بدلونه راسي نوموړی چی څه موده مخکي دیو تخنیکي ټیم سره دغه ولایت په سفر راغلي، دآغاجان دبند د پروژی دعملي چارو څخه دنږدی هم لیدنه ترسره کړي وه.
نیټه: ۱۴۴۶/۱۱/۲۲
د هرات د سوداګرۍ او پانګونې اتاق مشر او د هرات د خصوصي سکتور د مرستندويه کمېټې مشر محترم محمدیونس قاضيزاده، د هرات د خصوصي سکتور د مرستندويه کمېټې غړی او د دې ولایت د صنایعو او کانونو د اتاق مشر محترم الحاج ناصر امین، د خدماتو مرستیال محترم الحاج عبدالله دشتي، د مالي چارو رئیس محترم الحاج انجنیر محمد ګل محمودي، اجرایوي آمر محترم محمد یوسف امین او د هرات د سوداګرۍ او پانګونې اتاق د همکارانو یوې ډلې د اسلام کلا پولې ته سفر وکړ او د وضعیت د ارزونې پرمهال، چې اوس مهال د سیمه ییزو چارواکو لخوا تر کنټرول لاندې دی، دوی د اسلام کلا پولې څخه کابل ولایت ته د افغان کډوالو د لیږد لویه پروسه پیل کړه.
د هرات ولایت د خصوصي سکتور مرستندويه کمیټه، چې د هرات ولایت د والي شیخالحدیث الحاج مولانا نوراحمد اسلامجار په نوښت او د دې ولایت د ملي سوداګرو او خیریه بسپنه ورکوونکو په شتون سره جوړه شوې وه، دې کمیټې د اسلام کلا په پوله کې د محترمو سیمه ایزو چارواکو سره په همغږۍ کې، له دې پولې څخه د هیواد پلازمینې ته د افغان کډوالو د لیږد لوی پروګرام نن پیل کړ.
د یادونې وړ ده چې دا کمیټه، چې مشري یې د هرات ولایت د سوداګرۍ او پانګونې اتاق مشر محمدیونس قاضيزاده کوي، ټاکل شوې ده چې له نن څخه او په راتلونکو ورځو کې د ولایت د خصوصي سکتور په لګښت پنځه زره (۵۰۰۰) راستنیدونکي کابل ته انتقال کړي.
د هرات ولایت د سوداګرۍ او پانګونې خونې له خوا د “مالي تحلیل، مالي ریسک مدیریت او مالي پلان جوړونې” تر عنوان لاندې یو ورځنی تخصصي ورکشاپ د اقتصاد پوهنځي د سوداګرۍ مشورې مرکز په تخنیکي همکارۍ، او د پانګوالو، سوداګرو او خصوصي سکتور د استازو په حضور کې جوړ شو.
د ورکشاپ په پیل کې، د هرات د اتاق رئیس ښاغلي محمد یونس قاضيزاده وویل چې د دې پروګرام تنظیم د اتاق د مشرتابه د مستقیم ملاتړ څرګندونه کوي او دا یې یو مهم ګام وباله چې د مالي تحلیل، مالي خطر مدیریت او مالي پلان جوړونې زده کړې کولی شي د سوداګرۍ ښه مدیریت ته لاره هواره کړي.
په دوام کې، د پوهنتون یو شمېر استادانو او متخصصینو د ګډونوالو لپاره دقیق او ګټور معلومات وړاندې کړل، او ویې ویل چې ډېر نوي کاروبارونه د مالي تحلیل په برخه کې کافي مهارت نه لري، او دا ډول ورکشاپونه کولی شي د دوی ظرفیت د ګټې ارزونې، لګښتونو مدیریت او پانګوالو جذب په برخو کې لوړ کړي.
د سوداګرۍ او پانګونې خونه ژمنه وکړه چې د تجارت د ودې او د پانګوالو د ظرفیت لوړولو لپاره به د اقتصاد پوهنځي د سوداګرۍ مشورې مرکز په همکارۍ نور تخصصي او روزنیز ورکشاپونه هم تنظیم کړي. دا پروګرامونه د مالي پوهې لوړولو، تجارتي فرصتونو پیژندنې او د محلي سوداګرو د توانمندسازۍ موخه لري، او د اقتصادي فعالینو ترمنځ د تجربو تبادله برابروي.