د ۲۰۰ میګاواټه ظرفیت لرونکي د بادي برېښنا د تولید پروژې د جوړولو پروژې پرانیستل، "د هغې لومړۍ مرحله د ۴۳.۲ میګاواټه ظرفیت سره" او په هرات ولایت کې د ۵ میګاواټه ظرفیت لرونکي د لمریزې برېښنا د تولید پروژې د جوړولو چارې، د افغانستان د اسلامي دولت د محترم مشرتابه او د هېواد د خصوصي سکتور د استازو په حضور کې.

د دې لویو پروژو د پرانستلو په مراسمو کې، د افغانستان د اسلامي دولت د اقتصادي چارو مرستیال، د اقتصاد وزارت محترم چارواکي، د برېښنا شرکت عمومي ریاست محترم چارواکي، د هرات ولایت د سیمه ییزې ادارې محترم مشرتابه، د هرات د سوداګرۍ او پانګونې خونې محترم مشرتابه او د هغه ترکي شرکت استازو چې دا لویه ملي پروژه په لاس کې لري، د دې پروژو د پرانستلو اهمیت په اړه خبرې وکړې او څرګنده یې کړه چې د افغانستان د پرمختګ او سوکالۍ لپاره به تر بل هر وخت ډیرې هڅې وشي.

د افغانستان د سوداګرۍ او پانګونې خونې لومړي مرستیال، محمد یونس مهمند هم په دې پروګرام کې ګډون وکړ، هغه د هیواد د خصوصي سکتور په استازیتوب د افغانستان د اسلامي حکومت د هڅو او همکارۍ ستاینه وکړه چې د هېواد د خصوصي سکتور فعالیتونه پیاوړي کوي، او ویې ویل چې افغان سوداګر او پانګوال د هیواد د اقتصادي ودې سره د مرستې لپاره تر بل هر وخت ډیر کار کوي.

د یادونې وړ ده چې د ترکیې 77 کانسټرکشن شرکت  به د افغانستان د برېښنا شرکت عمومي ریاست سره یوځای په هرات ولایت کې د نږدې 250 ملیونه ډالرو په ارزښت د 200 میګاواټه بادي بریښنا تولید یوه لویه پروژه بشپړه کړي، او د اعتماد سولر خصوصي شرکت به هم 5 میګاواټه لمریزه برېښنا تولید کړي.